Entrevistas 2022
Asoc. Cult. "Segredos de Pantón"
Finca Míllara
Hoxe conversamos coa adega de Santiago de Vilar de Ortelle, Finca Míllara, un proxecto que vai máis alá de producir caldos. Así agradecemos a súa colaboración con nós e como non agradecer permitir que unha aldea abandonada xa non o esté.
Segredos de Pantón: Antes de dar paso á entrevista propiamente dita, fagamos unha pequena introdución en materia. A recuperación da aldea abandonada da Míllara e da posta en marcha dunha adega, foi parte dun mesmo plan? Como naceu esa idea?
Finca Míllara: Comezou Fernando de Santiago mercando unha casa e unhas viñas xa que sempre soñara con ter a súa propia adega. Expúxoselle a posibilidade de mercar a aldea enteira, xa que estaba abandonado desde os anos 50 (a aldea A Millara estaba formada por 12 casas)e asi fíxoo, a medida que mercaba as casas abandonadas, tamén ía mercaba os terreos próximos, coa idea de ampliar viñedo por unha banda e por outra banda preservar o monte ao redor daaldea.
Das 80 hectáreas que forman a propiedade, destinaranse 22 delas ao viñedo (na actualidade hai 11 hectáreas plantadas, cifra que aumenta cada ano) e no resto conservaranse as especies autóctonas como os carballos, castiñeiros, érbedos... Unha vez mercado a aldea enteira, Fernando, foille vendendo as casas a amigos e a coñecidos, como investimento para unha 2ª residencia, xa que ningunha da aldea alúgase ou adícase ó turismo rural. Son privadas.
Cada comprador tivo que asinar unha normativa urbanística interna (realizada polos copropietarios) nas que só se permite o uso de madeiras autóctonas (carballo), lousa en cuberta e onde non está permitido nin o aluminio nin as velux. Toda esta normativa fíxose coa idea de que as rehabilitacións fosen o máis respectuosas posible coas construcións galegas da zona, cousa que sen dúbida, conseguiuse.
Unha panorámica da aldea da Míllara cas súas casas restauradas.
SdP: Á hora de montar unha adega nunha zona coma esta e cun proxecto tan elaborado, que obxetivos a longo prazo tiñan ou que metas tiñan fixadas?"
FM: O obxectivo principal, que segue vixente como o primeiro día, era e é facer un viño de alta calidade. O rendemento aproximado é de 1 kg e medio por cepa e poda en verde. Toda a produción faise con uva propia.
Da primeira colleita en 2008 saíron 4000 botellas. O pasado ano 2017 houbo unha produción de 90.000 botellas e preténdese alcanzar unha produción de 200.000 botellascando estea plantado todo o viñedo, sen menoscabar a calidade, que repito, é o obxectivo a curto e a longo prazo.
Unha imaxe de 3 dos seus viños.
SdP: Temos visto que a parte de adicarse a elaborar viños, tamén elaboran aceite de oliva ecolóxico, teñen algunha iniciativa de ampliala produción de aceite ou de ampliala oferta de aceites?
FM: Nun principio non hai plans de ampliar a produción de aceite ou facer variedades do mesmo. É certo que a medida que se amplía a plantación no viñedo, tamén se plantan oliveiras. Pero o obxectivo da adega é a elaboración de viño e o aceite xorde como complemento a este mundo.
-SdP: Para rematar a entrevista queremos felicitalos polo premio que recibiu o Lagariza, gañando o galardón a mellor viño tinto de Galicia do ano 2017. queríamos saber se este feito lles foi completamente estraño ou tiñan esperanzas de que este viño tivera tan boas calificacións?"
- FM: O viño lagariza está a darnos grandes satisfaccións. É un viño novo que se elabora a partir de uva mencía moi escollida.
Sempre tes esperanzas, pero a competencia neste mundo é feroz. Hai que sinalar que é un premio que se dá entre tódalas adegas de Galicia e que en 25 anos de historia, é a 1ª vez que un viño denominación Ribeira Sacra álzase con este galardón, co cal non podemos estar máis orgullosos do conseguido.
Tamén mencionar que gañamos o acio de bronce con outro viño chamado "Niño do Cvco", os premios e sobre todo o recoñecemento dan ánimos para seguir sen baixar a garda.
Logo da adega pantonesa.