Entrevistas 2022
Asoc. Cult. "Segredos de Pantón"
Os pasares en Pantón.
Introdución.
Coma en todo o noso país ao termos unha elevada rede hídrica precisamos moitas veces de elementos para cruzalos centos e miles de cursos de auga que temos. Así destacan especialmente as pontes, pontóns e pasares. Destes últimos imos a falarvos hoxe.
Así precisamos que falamos dos principais pasares que temos no noso concello e dos que chegaron ata os nosos días, dado que fai 30 anos poderíamos aínda ver a maioría deles.
E lembrade que se sabedes dalgún pasar que aínda esté en pé no noso concello e non fagamos referencia a el non dubidedes en nolo dicir e grazas por todo!
Os pasares do río Ferreira.
Unhas imaxes dos pasares que atopamos para salvalo río ao carón da Casa da Fonte.
Os pasares do río Carabelos.
Recorte do diario "El Progreso" do 2 de marzo de 1967.
O paso do Salgueiro.
Situación.
No curso do río Carabelos facendo de fronteira entre as parroquias de San Martiño de Siós e de San Mamede de Mañente atopamos salvando este curso fluvial o máis longo pasar que temos no noso concello ate o momento, denominado este "O Paso do Salgueiro".
A zona onde atópase este pasar era unha verdadeira encrucillada de corredoiras e camiños vellos. Así dende Siós viña o Camiño Real, que ía a Monforte de Lemos, e empregaban este pasar para salvar o río Carabelos que en inverno leva moita auga, malia que no estío esté seco. A maiores dende un pouco máis adiante deste famoso paso un camiño ía cara Moreda e outro continuaba cara Mañente pra logo entrar na vila do Cabe.
Uns camiños empregados dende moi antigo para conectar tódalas parroquias do sureste pantonés entre si e server de ruta cara Monforte de Lemos.
Contexto.
Nesta zona tantos os veciños das freguesías de San Martiño de Siós, San Mamede de Mañente, San Ciprián de Vilamelle e San Xoán de Toldaos tiñan as súas terras de cultivo, dende as hortas, os prados, patacas e mesmo viñas.
Unha das parroquias que máis terreos tiña nesta zona era Toldaos, ao ter o núcleo de poboación máis próximo dese punto e mesmo as súas parcelas estaban noutras parroquias que non foran a súa.
O río Carabelos nesta zona de Pantón constituía un eixo vertebrador da vida. Deste regaban os labradíos, cruzaban o río polo "Paso do Salgueiro" ou noutro pasar moito máis pequeno augas arriba. E coma non ao longo de todo o seu curso fluvial existían diversos muíños, nesta zona concreta do río existían dous, estes na parroquia de San Xoán de Toldaos.
Descrición.
Constituído por un total de 48 pedras e forma unha estrutura cunha lonxitude total de aproximadamente 50 metros.
Unha serie de imaxes do paso do Salgueiro, onde observamos o considerable tamaño daspedras que o conforman.
Os pasares noutros cursos de auga.
Así fóra dos principais río que vertebran o noso concello, coma non temos un gran número de regos que nestes tamén moían muíños e coma non tiñamos pasares. Deste seguido de seguido amosamos os que ata hoxe sabemos deles e son conservados.
Unha imaxe dos pasares no rego de Penalada en Santo Estevo do Mato, en 2016.
